«ՀԺ»-ն գրում է. « «Արդեն 4-րդ օրն է, ինչ չեն գործում Երևանի ամենաբանուկ խաչմերուկներից մեկի՝ Լեո-Պարոնյան փողոցների լուսացույցները. ինչի պատճառով երթևեկությունը այդ հատվածում, մանավանդ պիկ ժամերին, դառնում է անտանելի և վտանգավոր։
Եվ ահա երեկ, օրվա երկրորդ կեսին, հեծանիվով, հեծանվային սաղավարտով խաչմերուկին մոտեցավ մի երիտասարդ, հեծանիվը կայանեց մոտերքում ու սկսեց կարգավորել երթևեկությունը։ Խաչմերուկը միանգամից «թեթևացավ»։
Հակոբ Թաշչյան անունով այս երիտասարդը իրեն համարում է կամավոր և աշխատանքի համար ոչ մեկից ոչ մի ակնկալիք չունի։ Պարզապես ուզում է, որ իր նմանները շատ լինեն։
Բայց այստեղ խնդիր է առաջանում։ Եթե երթևեկությունը ինքներս կարգավորենք, կարգավորենք մեր կյանքի բոլոր ոլորտները, մեկ էլ տեսար իշխանության կարիքը լրիվ վերանա։ Չփորձե՞նք»,–գրում է թերթը։
Մանրամասները՝ թերթի այսօրվա համարում։
