Բրազիլիայում Ֆրեդի Քրյուգերի անունով թութակին հաջողվել է փախչել առևանգիչներից ու վերադառնալ կենդանաբանական այգին: The Daily Mail-ի փոխանցմամբ, թռչունն առաջին անգամ չէ, որ հայտնվում է կյանքին սպառնացող իրավիճակում:
Չորս տարի առաջ Ֆրեդին փոխհրաձգության կենտրոնում հայտնվեց։ Ոստիկանները հրացաններով ներխուժեցին թմրանյութի վաճառքով զբաղվող տիրոջ տուն։
Փամփուշտը վնասեց թութակի կտուցն ու այրեց ճկատի փետուրները։ Թութակը կուրացել էր, որից էլ ստացել է իր նոր մականունը։ Թմրանյութերի դիլերին ձերբակալել են, իսկ թութակին ուղարկել Փարավան նահանգի Կասկավելի կենդանաբանական այգի:
Ապրիլի սկզբին թութակին օձը կծեց: Այն թունավոր չէր, բայց Ֆրեդին շատ արյուն կորցրեց: Մի քանի օր անց թռչունին առևանգեցին զինված անձինք։
Երկու օր անց թութակը կարողացավ վերադառնալ: Կենդանաբանական այգու աշխատակիցները, իմանալով թութակի պատմությունը, այնքան էլ չզարմացան:
Աշխատակիցները չգիտեն, Ֆրեդի Քրյուգերը փախե՞լ է, թե՞ առևանգիչները բաց են թողել նրան բարդ բնույթի և այլանդակված կտուցի պատճառով: «Չգիտեմ, Ֆրեդին հաջողա՞կ է, թե՞ հակառակը», – նշել է նրանցից մեկը:
