«Ղարաբաղ» կոմիտեի անդամ Աշոտ Մանուչարյանն «Առաջին լրատվական»-ի հետ զրույցում անդրադարձավ հայ-ռուսական հարաբերություններին, Ռուսաստանում այսօր տիրող իրավիճակին և կարծիք հայտնեց, որ Պուտինն այլևս չի կարող կանգնել այն դիրքում, որտեղ հիմա կանգնած է:
«Նա պետք է քայլ անի դեպի նոր աշխարհի Ռուսաստան, նոր մարդու Ռուսաստանը հաղթում է, 90 տոկոսը դրա կողմնակիցն է։ Պուտինը կա՛մ կփոխվի, կա՛մ պետք է հեռանա։ Մի քանի անգամ խոսել եմ այդ մասին՝ Փաշինյանը տենդենցները շատ լավ զգում է և գիտի, թե որքան կարևոր է ստրատեգիական անկեղծ դաշինքը Ռուսաստանի հետ»,- ասաց նա։
Մանուչարյանն ընդգծեց. «Տեսեք՝ Փաշինյանը Զելենսկուն խորհուրդ տվեց, ինչ-որ իմաստով տեղին էր, դրական էր. իրոք այսօրվա աշխարհում գործիչները պետք է ուղիղ խոսեն իրար հետ։ Բայց այդտեղ ստրատեգիա չկար, լրիվ ուրիշ բան կլիներ, որ Փաշինյանը, ներկայացնելով հեղափոխական երկիր, ասեր, որ մեր երեք ժողովուրդներն ունեն համատեղ պատմություն, որը կապված է Բյուզանդիայի հետ։ Եվ այդ Բյուզանդիայից են ուղղափառության իմպուլսը ստացել Ուկրաինան ու Ռուսաստանը»։
Հարցազրույցն ամբողջությամբ՝ տեսանյութում:
