Ինդոնեզիայում 3 տարեկան աղջնակը մաքրել է սարսափազդու պիթոնի ատամները: Դեպքը ներկայացնող տեսահոլովակը հրապարակել է Daily Mail հրատարակությունը։
Տեսանյութում երևում է, թե ինչպես է Մահարանի անունով աղջիկը մի ձեռքով բռնում վագրապիթոնի դունչը, իսկ մյուսով՝ նրա ատամները մաքրում բամբակապատ փայտիկով: Սողունը հնազանդորեն ենթարկվում է:
https://www.youtube.com/watch?v=2jJldRo7qpI
Ինդոնեզացի աղջիկը պատմել է, որ բնության նկատմամբ սերը հայրն է իրեն ներշնչել, որը բուժում է էկզոտիկ կենդանիների: «Սկզբնական շրջանում, երբ նա խաղում էր վայրի գազանների հետ, ես հետևում էի նրան և հուշում, թե ինչպես է հարկավոր վարվել։ Բայց այժմ նա ինքն է գլուխ հանում: Նա գիտի, թե ինչ կարելի է անել, իսկ ինչն է կտրականապես արգելված: Գազանները նրան հնազանդվում են»,- ասել է աղջկա հայրը:
Ապրիլի սկզբին համացանցում հայտնվել էր մի տեսանյութ, որտեղ Մահարանին մաքրում է կոկորդիլոսի ատամները: Հոլովակում նա ոչ մեծ սողունի հետ նստել էր լոգարանի մեջ, բռնել սողունի մռութը և մաքրում էր նրա ատամները: Կենդանին չէր շարժվում և տոկունորեն ենթակվում էր հիգիենիկ միջամտությանը:
