Վարչապետ Նիկոլ Փաշինյանի՝ օրերս կատարած այցը Նորագավիթի մաքսատուն վերածվեց մի շրջայցի, որոնցից ամենաքննարկվողը դարձավ միջադեպը կապված դրոշի հետ։ Սկսեցին հնչել տեսակետներ՝ արդյո՞ք համարժեք է կշեռքի նժարին դնել մարդուն, որը տեսախցիկների շնորհիվ հավասարեցվեց հողին և քաղաքացուն։ Ո՞րն է ամենակարևորն ու գլխավորը՝ լինել ճի՞շտ, թե՞ իրավացի «Առաջին լրատվական»-ի հարցին ԳԽ պատգամավոր Ազատ Արշակյանը պատասխանեց․ «Ես այս ամենը բաժանում եմ երկու մասի։ Առաջինը՝ այդ ներկայացումը նոր տեսակի քաղաքական ակցիա է Հայաստանում։ Ընդհանրապես, Նիկոլ Փաշինյանի այդ շարժումը ամբողջությամբ դասական քաղաքական շարժման մեջ չի տեղավորվում։ Այսինքն՝ մենք հիմա գործ ունենք արդիական, մոդեռն քաղաքական ակցիայի հետ։ Այսինքն՝ սա ակցիա էր՝ խորհրդանշանների նկատմամբ հարգանք, դա վաղուց պետք է լիներ»։
Իսկ հրապարակախոս Կարպիս Փաշոյանն էլ ասաց․ «Ինչո՞ւ չեն հարգում պետական խորհրդանիշները։ Այսքան տարիների ընթացքում Հայաստանում որևէ քայլ չի ձեռնարկվել քաղաքացի ստեղծելու և ձևավորելու համար։ Պետական և պետականության արժեքները՝ որպես հիմնային արժեքներ, չի պրոպագանդվել։ Ընդհակառակը՝ զուտ ազգերին բնորոշ արժեքներ է պրոպագանդվել։ Դրա համար էլ Հայաստանի բնակիչը չգիտի՝ ինչ է պետությունը, ինչ է պետական ինստիտուտը, ինչ է պետական խորհրդանիշը»։
Մանրամասները՝ տեսանյութում։
