Հարկային օրենսգրքի փոփոխությունների լրամշակված նախագիծն առաջիկայում կդրվի քննարկման: Թեմայի շուրջ «Առաջին լրատվական»-ի հետ զրույցում տնտեսագետ Ատոմ Մարգարյանը եկամտային հարկի փոփոխությունները գնահատեց որպես քայլ առաջ:
«Տեսնում ենք միտումներ ստվերի կրճատման և որոշակի եկամուտների բացահայտման, հարկման, և այս ֆոնի վրա ճիշտ կլինի հարկային բեռի իջեցումը, թեթևացումը բազմաթիվ նպատակներով՝ առաջին հերթին սոցիալական խնդրի լուծման տեսանկյունից, երկրորդ՝ ներդրումների խթանման տեսնակյունից: Բայց պետք է նաև նկատի ունենալ, որ գտնվում ենք ԵԱՏՄ գոտում՝ մաքսային տարածքում, և մեր հարկային ինստիտուցիոնալ համակարգը պետք է լինի համադրելի… Համալիր ձևով պետք է լուծումներ ստանալ: Հարկային բեռն իջեցնելով՝ բյուջետային խնդիրներ ենք ստեղծելու, և պետք է մտածենք՝ ինչպես փոխհատուցել: Այս նախագծում որդեգրված սկզբունքները, հատկապես կորուստները ակցիզային հարկի միջոցով փոխհատուցելը, այս փուլի համար ճշիտ է, բայց երկարաժամկետ լուծումների առումով ավելի կրեատիվ մոտեցումներ պետք է լինեն, որը մենք չենք տեսնում»:
Խոսելով շահութահարկի մասին, տնտեսագետը նշեց. «Շահույթ ստանում են կապիտալի սուբյեկտները՝ սեփականատերերը, ներդրողները, աշխատավարձը՝ աշխատողները, ես հույս ունեի, որ հեղափոխությունից հետո քաղաքական մոտեցումը կստիպեր համալիր ձևով վերլուծել, թե իրականում Հայաստանում ստեղծված նոր արդյունքը՝ եկամուտը տասնամյակների ընթացքում ինչպես է բաշխվել կապիտալի սեփականատերերի և աշխատուժի կամ վարձու աշխատողների միջև, և ըստ այդմ՝ կգտնվեին օպտիմալ լուծումները, ցավոք, այդպիսի մոտեցում չկա»:
Մանրամասն՝ տեսանյութում:
