Մարտի 30-ին, Rolling Stones լեգենդար ռոք խումբը հետաձգել է ԱՄՆ և Կանադա ծրագրված շրջագայությունը: Պատճառը Միք Ջագերի խորհրդավոր հիվանդությունն է: Բժիշկները 75-ամյա երգչին խորհուրդ են տվել հրաժարվել ելույթներից: Պատճառը գաղտնի է պահվում:
Ջագերը դիմել է երկրպագուներին Twitter-ում և Instagram-ում. «Ես ատում եմ ինձ և սաստիկ ափսոսում եմ, որ ստիպված եմ հետաձգել շրջագայությունը:
Բոլոր ուժերս ներդնում եմ հնարավորինս շուտ բեմ վերադառնալու համար»: Միևնույն ժամանակ, Միքն էլ չի գրում, թե ինչ է տեղի ունեցել:
Այս անգամ երաժիշտները պատրաստվում էին շարունակել իրենց Nofl Filter համաշխարհային շրջագայությունը, որը պաշտոնապես մեկնարկել էր 2017-ի վերջին Համբուրգում կայացած համերգով: Rolling Stones-ը տասնյակ հաջող համերգներ է ունեցել Եվրոպայում: Իսկ 2018-ի նոյեմբերին նրանք տեղեկացրին, որ շրջագայությունը կշարունակեն Միացյալ Նահանգներում և Կանադայում: Շրջագայության ամերիկյան մասը բաղկացած էր 17 շոուներից: Առաջին համերգը նախատեսված էր ապրիլի 20-ին Մայամիում: Նրանք ցանկանում էին շրջագայությունը եզրափակել Օրո-Մեդոնթեում (Կանադա):
Սակայն, հետազոտության արդյունքներից ելնելով, բժիշկները Ջագերին խորհուրդ են տվել նվազագույնը մեկ ամիս դադար վերցնել: Այս ժամանակաշրջանից հետո երգիչը կրկին հետազոտության կենթարկվի, և եթե բժիշկների կասկածները հաստատվեն, ապա նրան լուրջ բուժում է սպասվում:
