Չինաստանում վարձույթ է մտել առանց համբույրների, կանացի զգեստներ հագնելու, առանց գեյ բառն օգտագործելու Queen խմբի մասին պատմող «Բոհեմյան ռապսոդիա» ֆիլմի տարբերակը: Ֆիլմի տևողությունը կրճատվել է 2 րոպեով, հաղորդում է «Ինտերֆաքսը»:
Չինացի հեռուստադիտողները կադրերում չեն տեսնի համբուրվող տղամարդկանց, արգելքի տակ է հայտնվել նաև «գեյի սանրվածք» արտահայտությունը և խմբի I Want To Break Free երգի տեսահոլովակի նկարահանման նախապատրաստման տեսարանը, որտեղ երաժիշտները կանացի հագուստներով են:
Ֆիլմից կտրվել են նաև ֆիլմի ավարտի վրա ուղղակիորեն ազդող որոշ տեսարաններ. օրինակ, Մերկուրիի մատուցող Ջիմի հետ ծանոթանալու պահը, որը հետագայում դարձավ նրա զուգընկերը, հաղորդում է «360» հեռուստաալիքը:
Ֆիլմի գլխավոր հերոսը, Queen խմբի մեներգիչ Ֆրեդի Մերկուրին, մահացել է ՄԻԱՎ-ից 45 տարեկանում:
Չինաստանում միասեռականությունը օրենքի խախտում չի համարվում, սակայն արգելվում է «աննորմալ սեռական վարքի» ցուցադրությունը:
