ԱՄՆ պետքարտուղար Մայք Փոմփեոն հայտարարել է, որ Գոլանի բարձունքները Իսրայելի տարածք ճանաչելու ԱՄՆ-ի մտադրությունը՝ Ղրիմի իրադրության ֆոնին, երկակի չափանիշների քաղաքականություն չէ, փոխանցում է «ՌԻԱ Նովոստի»-ն։
Հարցազրույցում Փոմփեոն հիշեցրել է, որ ավելի վաղ ԱՄՆ-ն պատժամիջոցներ է սահմանել Ռուսաստանի դեմ՝ Ղրիմի իրավիճակի հետ կապված։
«Ո՛չ, ամենևին ո՛չ։ Գոլանի բարձունքների հետ կապված նախագահի գործողությունները գործերի իրական իրադրության ճանաչումն է՝ տվյալ վայրում և անվտանգության ոլորտի հետ կապված, որն անհրաժեշտ է Իսրայել պետության պաշտպանության համար։ Դա շատ պարզ է»,-ասել է Փոմփեոն՝ կտրականապես հերքելով երկակի չափանիշների քաղաքականությունը։
