Վիկտոր Յանուկովիչի նախկին քաղտեխնոլոգ և ԱՄՆ նախագահ Դոնալդ Թրամփի նախընտրական քարոզարշավի նախկին ղեկավար Փոլ Մանաֆորթին Նյու Յորքում նոր մեղադրանքներ են առաջադրել, հաղորդում է The New York Times-ը։
Մանհեթենի շրջանային դատախազ Սայրուս Ռ․ Վանսի խոսքով՝ դա արվել է նրա համար, որ Թրամփը չկարողանա Մանաֆորթին ներում շնորհել։
Բանն այն է, որ ԱՄՆ նախագահը բավականին մեծ լիազորություններ ունի՝ դաշնային հանցագործությունների դեպքում ներում շնորհելու համար։
Նյու Յորք նահանգում Մանաֆորթին ևս 16 մեղադրանք են առաջադրել։
Թրամփն ինքը դեռևս չի հայտարարել Փոլ Մանաֆորթին ներում շնորհելու մտադրության մասին, սակայն հիշեցրել է, որ այդպիսի լիազորություններ ունի։
