Այսօր Ազգային ժողովի մուտքի մոտ կրկին բողոքի ակցիա են անում՝ կապված աջ ղեկով մեքենաների ներկրման հետ: Բողոքի ակցիայի մասնակիցների խոսքով՝ հարցը Ազգային ժողովում պետք է քննարկվեր մարտի 5-ին, սակայն չի քննարկվել. «Բոլոր խմբակցություններն ասել են, որ կաջակցեն: Բայց հարցը պետք է անհապաղ լուծվի՝ համ դուք պրծնեք էս խնդրից, համ մենք»:
Նրանք նշեցին, որ այս խնդիրը դարձել է լուրջ գերխնդիր:
Հավաքվածների հետ հանդիպեց նաև ԱԺ փոխնախագահ Լենա Նազարյանը, որը պարզաբանեց. «Կան հստակ ժամկետներ, ընթացակարգեր. հարցը նախ պիտի քննարկվի հանձնաժողովում, պատգամավորները առաջարկներ անելու հնարավորություն պիտի ունենան»:
Լենա Նազարյանի խոսքով՝ հարցի լուծման մեկ տարբերակ կա՝ որ կառավարությունը արտահերթ նիստ հրավիրի:
Մանրամասները՝ տեսանյութում:
