«Ես պատերազմում տվել եմ, ինչ որ կարող էի տալ, ձեռք եմ բերել հպարտություն… Ես կռվել եմ, կռվում եմ ու կռվելու եմ գաղափարի համար, նպատակի համար». այս խոսքերի հեղինակը սպարապետ Վազգեն Սարգսյանն է, ով այսօր՝ մարտի 5-ին կդառնար 60 տարեկան:
«Իմ ճանաչած ամենառոմանտիկ, ամենանուրբ հոգով, մինչև վերջ նվիրվող ու ամենաբարի մարդն էր, – բնորոշում է Վազգեն Սարգսյանի եղբայրը՝ Արամ Սարգսյանը:- Վազգեն ինքն էլ խոստովանում էր, որ մեր հանրությունն իրեն չհասցրեց ճանաչել: Ասում էր. «Ես իմ փիարով երբեք չեմ զբաղվել: ժամանակներ կան, որ մեզ պարտադրում են զոռով սահման պահել, զոռով բանակ ստեղծել, ուժով փորձել այդ խնդիրները լուծել, թշնամու դեմն առնել»: Եվ երբ վարչապետ էր, ասում էր՝ հիմա եկել է ժամանակը, որ այդ ամենը սիրով անեմ, այ դա է իսկական Վազգեն Սարգսյանը»:
«Հայրենասիրական գրքեր էր կարդում, սեր էր տածում իր ժողովրդի, և ատելություն՝ թշնամու նկատմամբ… Ես Գրետային եմ պարտական Վազգենին ճիշտ դաստիարակելու համար,- նշում է Վազգեն Սարգսյանի հայրը՝ Զավեն Սարգսյանը:- Հպարտանում եմ, որ այդպիսի զավակներ ունեմ, ովքեր ունեն հայրենասիրական մղումներ: Վազգենը իր ասածի տերն էր, դրա համար նրա հետևից գնացին, ու մենք հաղթեցինք պատերազմում: Ուզում էր՝ երկիրը ոտքի կանգներ, փոխվեր: Նրան հավատալով՝ մարդիկ միացան, և այդ հաղթանակը ձեռք բերվեց»:
Մանրամասն՝ տեսանյութում:
