Արմավիրի մարզում, այսօր՝ նոյեմբերի 1-ին, խոշոր ավտովթար է տեղի ունեցել. ժամը 17:40-ի սահմաններում 32-ամյա Վանիկ Գ.-ն Արգավանդ գյուղի վարչական տարածքում իր վարած Range Rover մակնիշի 80 ՍV 808 համարանիշի ավտոմեքենայով դուրս է եկել հանդիպակաց երթեւեկելի գոտուց, բարձրացել բետոնե սանդուղքների վրա եւ ներխուժել ավտոպահեստամասերի խանութի մեջ:
Shamshyan.com-ի փոխանցմամբ, ըստ նախնական տեղեկությունների, վթարի հետեւանքով, բարեբախպտաբար, զոհեր եւ վիրավորներ չկան: Վթարի հետեւանքով փլուզվել է խանութի պատը, եվրոպատուհանն ու ցուցափեղկերը:
Ավտոպահեստամասերի խանութի սեփականատերը հայտնել է. «Գնացի դիմացիս հարեւանի տուն ու դեռ չէի հասել այնտեղ, ուժեղ թփոց լսեցի, շուռ գամ տեսնեմ ինչ՝ ռենջը մտելա խանութիս մեջ. միակ սփոփանքն այն է որ լավ է այդ պահին թե՛ ես, թե՛ խանութի աշխատողները կամ հաճախորդներ չեն եղել: Հակառակ դեպքում կամ վիրավորվելու էին կամ ողբերգական էլ լինելու վթարը: Հուսով եմ՝ ԱՊՊԱ-ն շուտ կփոխհատուցի, որպեսզի կարողանամ կարճ ժամանակում վերանորոգեմ խանութը»:
