Վրաստանի նախագահի ընտրությունները չեն անցել առանց ուրախ դեպքերի. ինչ-որ մեկը փորձել է համակարգին դեմ գնալ, ինչ-որ մեկը փորձել է կերուխում սարքել, իսկ ինչ-որ մեկը ուղղակի հոգնել է և որոշել հանգստանալ:
Այսպես. Աջարիայի գյուղերից մեկում կինը որոշել է օգտվել արևային եղանակից և հենց տեղամասի առաջ կախել սպիտակեղեն, այդ թվում նաև՝ մանկական իրեր:
Նախագահի ընտրություններին Թելավի (Կախեթի տարածաշրջան) քաղաքի բնակիչ Արչիլ Մչեդլիշվիլին նախագահի փոխարեն ընտրել է ոչխարի: Նրա խոսքով՝ ինքը բոլոր թեկնածուներին ջնջել է՝ վանդակի մեջ գրելով ոչխար. «Ես այդպես էի արել նաև խորհրդարանական ընտրություններում»:
Վրաստանում որոշ զվարճալի դեպքեր հեշտությամբ կարելի է հավասարեցնել ընտրախախտումներին: Այսպես, Բեջանո (Սամցխե-Ջավախեթի տարածաշրջան) գյուղում ընտրողները գնում են ընտրատեղամաս առանց անձը հաստատող փաստաթղթի: Լրագրողի հարցին՝ ինչու են նրանց թույլ տալիս քվեարկել առանց փաստաթղթերի, ընտրական հանձնաժողովի անդամները պատասխանել են. «Ինչների՞ս է պետք փաստաթուղթը: Մենք այստեղ առանց դրա էլ բոլորս իրար ճանաչում ենք»:
Շրջանային ԶԼՄ-ները նաև գրում են, որ Գուրժաանի շրջանի Ջիմիթի գյուղի ղեկավարը բնակիչներին խորոված է խոստացել, եթե նրանք քվեարկեն Սալոմե Զուրաբիշվիլիի օգտին՝ թեկնածու, որին աջակցում է «Վրացական երազանք-ժողովրդավարական Վրաստան» գործող կուսակցությունը: Ասում են, թե տղամարդը արդեն գյուղացիներին բաժանել է միսը:
https://www.facebook.com/itsBatumi/photos/a.557496304330919/1864262863654250/?type=3
