ԱՄՆ նախագահ Դոնալդ Թրամփի մի քանի քննադատներին փոստով ուղարկված պայթուցիկ նյութերը հավաքվել էին «Ալ–Քաիդա» և «Իսլամական Պետություն» ահաբեկչական կազմակերպությունների հետ կապ ունեցող կայքերի գծագրերով։ Այս մասին Reuters-ին հաղորդել է իրավապահ մարմիններում եղած աղբյուրը։
Գործակալության զրուցակիցը ենթադրել է, որ պայթուցիկներ ուղարկողները կարող էին առաջնորդվել «Անարխիստի խոհանոցային գրքով», որը Ռուսաստանում որպես ծայրահեղական է ճանաչված։
Սպիտակ տանը հայտարարել են, որ լուրջ են վերաբերվում դեմոկրատների նկատմամբ սպառնալիքների հետ կապված իրավիճակին։ Գաղտնի ծառայությունը և իրավապահ մարմինները «բոլոր անհրաժեշտ միջոցները կձեռնարկեն պաշտպանելու համար բոլոր նրանց, ում սպառնում են այդ վախկոտները»։ ԱՄՆ նախագահը հայտարարել է, որ կառավարությունը ոչինչ չի խնայի ռումբեր ուղարկողներին գտնելու համար։
Ընդհանուր առմամբ հոկտեմբերի 22-ին յոթ պայթուցիկ սարք է հայտնաբերվել։ Դրանք ուղարկվել էին նախկին պետքարտուղար Հիլարի Քլինթոնին, ԱՄՆ 44-րդ նախագահ Բարակ Օբամային, նախկին գլխավոր դատախազ Էրիկ Հոլդերին, ներկայացուցիչների պալատի անդամ Մաքսին Ուոթերսին, ինչպես նաև միլիարդատեր Ջորջ Սորոսին։
Իշխանությունները չեն բացառում, որ նման փաթեթները ավելի շատ կարող են լինել։
