Երևանը հույս ունի պահպանել ՀԱՊԿ գլխավոր քարտուղարի պաշտոնը, երբ հետ կանչվի գործող գլխավոր քարտուղարը՝ Հայաստանի ներկայացուցիչ Յուրի Խաչատուրովը։ Այս մասին «Կոմերսանտ»-ի հետ հարցազրույցում հայտարարել է ՀՀ վարչապետ Նիկոլ Փաշինյանը։
ՀԱՊԿ-ի իրավիճակը սեպտեմբերի 8-ին Կրեմլում տեղի ունեցած Նիկոլ Փաշինյան-Վլադիմիր Պուտին հանդիպման բանակցությունների թեմաներից է եղել։
Կազմակերպության գլխավոր քարտուղարը 2008-ին Երևանում բողոքի ակցիան ցրելու գործով մեղադրյալ է։ Նա իշխանության ուզուրպացման մեջ է մեղադրվում։ Դրա հետ կապված՝ Հայաստանը հետ է կանչում պարոն Խաչատուրովին, որն այդ պաշտոնը զբաղեցրել է մեկուկես տարի (նախատեսված երեքից)։
Նիկոլ Փաշինյանը կարծում է, որ Յուրի Խաչատուրովին Հայաստանի մեկ այլ ներկայացուցիչ պետք է փոխարինի։
«Գլխավոր քարտուղարի պաշտոնում Հայաստանի ներկայացուցչի աշխատանքի ժամկետ գոյություն ունի։ Այն չի սպառվել։ Մենք առնվազն մեկուկես տարի ունենք։ Գլխավոր քարտուղարի ազգանունը նշանակություն չունի։ Նա պետք է նախատեսվածի նման Հայաստանի ներկայացուցիչ լինի այդ ժամեկտի ընթացքում»,-ասել է Փաշինյանը։
Նա նշել է, որ Վլադիմիր Պուտինի հետ պայմանավորվել է, որ հարցը կքննարկվի ՀԱՊԿ-ի «գործընկերների հետ»։
«Մենք այդ հարցը պետք է լուծենք գործընկերության և դաշնակցության մթնոլորտում»,-ընդգծել է նա։
