Չիլիի նախագահ Սեբաստյան Պինյերան հայտարարել է, որ երկրում պոլիէթիլենային փաթեթները և փաթեթավորումն արգելող օրենք է ընդունել։ Երկիրն առաջինն է Լատինական Ամերիկայում, որտեղ այդպիսի օրենք է սահմանվել։
«Ես ցանկանում եմ ձեզ հետ կիսվել ուրախալի լուրով։ Մենք այսօր ընդունեցինք այդ օրենքը։ Անկասկած մենք մեծ քայլ ենք կատարել Չիլիի մաքրման ուղղությամբ»,-Սանտյագո դե Չիլիում արարողության ժամանակ ասել է նախագահը, որը ներկաներին կտորից պայուսակներ է բաժանել։
Խոշոր ձեռնարկությունները 6 ամսում պետք է հրաժարվեն պոլիէթիլենային փաթեթներից, փոքր բիզնեսին դրա համար երկու տարի է հատկացվել։ 2018-ի օգոստոսից Չիլիում արգելված է պոլիէթիլեն օգտագործել։ Այն կարելի է գործածել միայն հիգիենիկ և մթերքները թարմ պահելու նպատակով։
