ԱՄՆ Կալիֆորնիայի նահանգի Սիթրես–Հայթս քաղաքում վարորդը վթարի է ենթարկվել և ծխախոտ է կպցրել վառվող մեքենայից։ Այս մասին հաղորդում է Fox 40-ը։
Մեքենան, որում տղամարդ և կին էին գտնվում, մխրճվել է դիմացից գնացող ամենագնացի մեջ և բռնկվել է։ Արդյունքում միայն վարորդն է տուժել, ով թեթև վնասվածք է ստացել անվտանգության ամրագոտուց։
Ճանապարհային ոստիկանության աշխատակցի աչքի առաջ նա տեղերով փոխվել է ուղևորուհու հետ։ Դրանից հետո երկուսն էլ դուրս են եկել վառվող մեքենայից, սակայն շուտով տղամարդը վերադարձել և փորձել է այդ կրակից կպցնել իր ծխախոտը՝ խանձելով հոնքերը։ «Ես կրակից չեմ վախենում,– ասել է նա ոստիկանին։ —Ես ամբողջ օրը նման բաների հետ գործ ունեմ»։
Վարորդին ձերբակալել են անսթափ վիճակում մեքենա վարելու կասկածանքով։ Մի քանի օր առաջ նրան արդեն բռնել էին նույն կարգի մեղադրանքով։
