Մշակույթի որոշ ուղղություններում նկատելի է լճացում, իսկ դասական երաժշտությունը Հայաստանում ճգնաժամ չունեցավ: Թեմայի շուրջ «Առաջին լրատվական»- ի հետ զրույցում Հայաստանի պետական սիմֆոնիկ նվագախմբի դիրիժոր Սերգեյ Սմբատյանը նշեց. «Հայաստանում մենք ունենք իրական պետական աջակցություն արվեստին: Մենք պետություն ենք, որ ունենք շատ խնդիրներ, բայց ունենք շատ ընդգրկուն պետական մշակույթ:
Պետությունը պարտավոր չէ ստեղծել ինչ-որ համակարգեր, որ մեր մեր մշակույթը զարգանա: Մշակույթի ներկայացուցիչները պետք է պատկերացնեն այն ճանապարհը որով ճգնաժամից զերծ կմնան կամ դուրս կգան: Ճգնաժամային մենեջմենթ հասկացություն կա, դա ամենապրոդուկտիվ ժամանակահատվածն է կառավարման նոր մեթոդներ գտնելու առումով:
Դասական երաժշտության նվիրյալները խնդիրը լուծեցին. դասական երաժշտության նվիրյալները մարդիկ են, ովքեր 5-6 տարեկանից իրենց կյանքը նվիրել են երաժշտությանը, և դա իրենց աշխարհն է: Կարևոր է նաև այն, որ Հայաստանում կան շատ տաղանդավոր մարդիկ, որոնք իրենց նվիրվածությամբ կարողանում են ցույց տալ, որ դասական երաժշտությունն արժեք է: Մենք ուղղակի պետք է այն ժառանգությունը, որ ունենք, ներկայացնենք նոր գիտելիք և նոր տեխնոլոգիաներ կիրառելով՝ ունենանք հաջողություններ Հայաստանում և Հայաստանից դուրս»:
Սերգեյ Սմբատյանի դիտարկմամբ՝ հասրակության գիտակցության մեջ կա դասական երաժշտության նկատմամբ անհավանական մեծ հարգանք կա:
Մանրամասն՝ տեսանյութում:
