«Պետք է մաքսիմալ բաց և անկեղծ խոսեմ այս թեմայով»,- Գնդեվազում բնապահպանների և «Լիդիան»-ի ներկայացուցիչների հետ հանդիպմանը ասաց ՀՀ վարչապետ Նիկոլ Փաշինյանը՝ անդրադառնալով Ամուլսարի հանքի շահագործմանը:
Վարչապետի խոսքով՝ եթե բոլոր պրոցեսները տեղի ունենային իրենց կառավարության օրոք, ապա ինքը չէր ցանկանա, որ այսպիսի հանք գոյություն ունենար Ջերմուկ քաղաքի մոտակայքում. «Բայց հիմա ունենք իրավիճակ, որ ահռելի ծավալի ծախս է կատարվել, և դե յուրե այդ ներդրումը կատարվել է Հայաստանի կառավարության թույլտվությամբ»:
Փաշինյանը նշեց, որ այցը արդյունավետ է համարում. «Քանի որ հասանք հարցի էությանը՝ հանքի շահագործման ազդեցությունը ջրային ռեսուրսների և Ջերմուկի՝ որպես առողջարանային քաղաքի վրա»:
Վարչապետը, սակայն, կարծում է, որ կա նաև երրորդ իրավիճակը. «Հանքերի հետ կապված որոշումները պետք է հիմնված լինեն փաստերի և ոչ թե էմոցիաների վրա»:
Մանրամասները՝ տեսանյութում:
