Վերջերս 22-ամյա Քենդալ Ջեներին բռնացրել էին 18-ամյա Անվար Հադիդի հետ համբուրվելիս։ Ինչպես հաղորդում են նրանց մոտ կանգնած աղբյուրները՝ Ջիջին դժգոհ է այդ ամենից և ամեն կերպ փորձում է համոզել եղբորը՝ մոդելի հետ հարաբերություններ չզարգացնել։ Ընդ որում, այս ամենը այնքանով է էլ ավելի հետաքրքրական դառնում, որ Անվար Հադիդը ազատ չէ. նա արդեն երկու տարի հանդիպում է դերասանուհի Նիկոլա Փելցի հետ։ Չնայած խոսում են, որ նրանք վերջերս բաժանվել են։
Իրենք՝ երիտասարդները այս մասին ոչ մի մեկնաբանություն չեն անում, փոխարենը՝ ամերիկյան Radaronline կայքին հայտնի է դարձել, թե ինչ է այս ամենի մասին մտածում Անվարի հայտնի քույրը։
Մոդելը համոզում է եղբորը հետ կանգնել Ջեներից, սակայն Անվարը լսել անգամ չի ուզում այդ մասին։
«Նա նյարդայնանում է, որ Ջիջին քիթն ամեն տեղ մտցնում է։ Նա մտադիր է այնպես վարվել, ինչպես ինքն է ճիշտ համարում։ Քույրն էլ համոզված է, որ Քենդալը լուրջ աղջիկ չէ, և երբ թողնի Անվարին, նա երկար ժամանակ կտառապի»,– պատմել է աղբյուրը։
