Խոշորագույն ընկերությունների դիզայներներն ու մշակողներն արդեն բազմիցս հայտարարել են հրաշք հագուստի, մասնավորապես՝ ջինսերի մասին, որը արդյունավետ պայքարում է ցելյուլիտի դեմ: Բրիտանական ընկերությունը որոշել է առաջ անցնել հակառակորդներից և ներկայացրել է հակացելյուլիտային արտադրանք` ոսկու պարունակությամբ:
Ինչպես հաղորդում է The Daily Mail-ը, ճարպի շերտ կարող է առաջանալ տարբեր կազմվածք ունեցող կանանց մոտ. ցելյուլիտը չի խնայում ո՛չ նիհար, ո՛չ գեր մարդկանց:
Ցավոք սրտի, բժիշկների մեծամասնությունը համոզված է, որ ձգող կրեմները և հատուկ դիետաները չեն կարող պայքարել ցելյուլիտի դեմ:
Բրիտանական ընկերությունը որոշել է մարտահրավեր նետել ցելյուլիտին և այս նպատակով մշակել է յուրատեսակ սպիտակեղեն` 24 կարատանոց ոսկու օգտագործմամբ: Ընկերության ներկայացուցիչների խոսքերով` հիանալի արդյունքը ձեռք է բերվում ոսկու շատ մանր կտորների շնորհիվ, որոնք պարունակում են Hyaluronan թթու:
Գովազդի համաձայն` երկու օրվա օգտագործումից հետո զուգագուլպաները լավացնում են մարմնի խնդրահարույց մասերի տեսքը, իսկ ձեռնոցները երեք օրում հարթեցնում են աչքերի շուրջ և ձեռքերին եղած կնճիռները:
