Արտերկրյա լրատվամիջոցները գրում են, որ ռեփեր Քանյե Ուեսթը սուր վիճբանություն է ունեցել իր կնոջ՝ Քիմ Քարդաշյանի հետ այն բանի համար, որ Քիմը չի հրավիրել իրեն ԱՄՆ նախագահ Դոնալդ Թրամփի հետ հանդիպմանը՝ գրում է beta.in.ua-ը:
Նախօրեին Քիմ Քարդաշյանը այցելել էր Սպիտակ տուն, որպեսզի խնդրի նախագահ Թրամփին ներում շնորհել թմրանյութերի հետ կապված աննշան հանցագործության մեղադրանքով ազատազրկման դատապարտված տարեց կնոջը:
Քիմի այդ քայլը դուր չի եկել Քանյեին: Նա դժգոհել է, որ Քիմն իրեն չի հրավիրել հանդիպմանը: Քանյեի կարծիքով՝ ինքը նախագահի հետ քննարկելու ոչ պակաս լուրջ խնդիրներ է ունեցել:
Քիմը, սակայն, կարողացել է համոզել ամուսնուն, որ նա պետք է ուշադրությունը կենտրոնացնի միայն իր երաժշտական կարիերայի վրա, և նախագահի հետ հանդիպման համար ավելի հարմար պահեր կստեղծվեն:
