«Սասնա ծռեր»-ը ընդվզել են՝ օգտագործելով ուժը։ Նրանք դիմադրության այլ ձև են ընտրել, որը աշխարհի կողմից չի ընդունվում որպես քաղաքական պայքարի ձև։ Amnesty international կազմակերպության արձագանքը դրա մասին է»,-«Առաջին լրատվական»-ի հետ զրույցում ասաց ԳԽ պատգամավոր, նախկին քաղբանտարկյալ Ազատ Արշակյանը։
Նրա խոսքերով, սակայն, հաշվի առնելով վիճակի առանձնահատկությունը պետք է դրսևորել քաղաքական կամք։ Քրեական գործ հարուցել, քանի որ մարդիկ են զոհվել, պատանդներ են վերցվել, գույք է ոչնչացվել։ «Բոլորս պետք է հասկանանք, որ ամենաթողությունը ՀՀ-ում արգելված է։ Դրա համար քրեական գործի հարուցումը, արդարադատությունը պարտադիր է։ Նախորդ անգամ ես ասում էի, որ պետք է քաղաքական կամք դրսևորել, սակայն Նիկոլ Փաշինյանի շարժումից հետո ես ասում եմ, որ այս գործով պետք է արդարադատություն իրականացվի՝ մի մասին ազատ արձակել, մի մասին մեղմ մոտեցում ցուցաբերել, իսկ մի մասին՝ դատել, եթե ապացուցվի նրանց մեղքը սպանությունների մեջ»,- ասաց Արշակյանը։
Անդրադառնալով այս օրերին բողոքի ակցիաներին, Արշակյանը նշեց, որ «Սասնա ծռեր»-ի աջակիցները «քաղաքական կամպանիա են տանում, որը իր համար հասկանալի է»։ «Նախընտրական չասենք, բայց սա քաղաքական կամպանիա է։ Այն գործընթացը, որ նրանք սկսել էին, զորամասը գրավելով չէր ավարտվել։ Այդ քաղաքական գործընթացը նրանք տանում են նաև հիմա։ Նրանք իրենց զոհաբերության մրցանակն են ուզում։ Իսկ նրանց աջակիցների համար հարմար առիթ է հարթակ բարձրանալու համար։ Նրանք կոշտ վարքագծի կողմնակից են և շարունակում են իրենց քաղաքական գործընթացը։ «Սասնա ծռեր»-ի իսկական կողմնակիցները քաղաքական ակցիա են իրականացնում։ Սա քաղաքական կամպանիա է առաջիկայում ԱԺ հնարավոր ընտրությունների, ՏԻՄ ընտրությունների ժամանակ քաղաքականությունում տեղ գրավելու համար։ Դա պաշտոններ ունենալու համար է, որը շատ բնական է»։
