Wochenzeitung (WOZ) շվեյցարական ամսագիրը հետաքրքիր փորձարկում է կատարել. մեկ օր նրանք հետևել են իրենց երկրի հետախուզության ղեկավար Մարկուս Սեյլերին` հաղորդում է RIA Novosti-ն:
«Մենք ցանկացել ենք նրան ցույց տալ` ինչ է նշանակում, երբ քեզ լրտեսում են, և փոխվել ենք դերերով»,- ասել է WOZ-ի ներկայացուցիչ Ստեֆան Օվալդը:
Ամսագրի հատուկ համարում պարունակվում է տեղեկատվություն Սեյլերի անձնական կյանքի մասին, որը լրագրողները ձեռք են բերել նվազագույն լրտեսական հնարքների միջոցով: Մասնավորապես, նրանք զրուցել են նրա հարևանների հետ և նույնիսկ գտել են նրա տարրական դասարանի ուսուցչին:
Միևնույն ժամանակ ամսագիրը հրապարակել է տվյալներ շվեյցարական հետախուզության ղեկավարի եկամուտների և ակտիվների մասին:
Օվալդի խոսքերով` հրապարակումից առաջ լրագրողները Սեյլերին առաջարկել են տպաքանակի համար վճարել շուրջ 97.7 հազար եվրո, սակայն նրանք այդպես էլ պատասխան չեն ստացել:
Շվեյցարիայի հետախուզական ծառայությունը որևէ մեկնաբանություն չի տվել:
