ԱՄՆ-ի կառավարությունն ու բանակը մտադիր են վաճառքի հանել նվազագույնը 2000 MRAP տեսակի զրահապատ մեքենաներ, հայտնում է ArmyTimes-ը:
Ներկայում այդ ավտոմեքենաները գտնվում են Աֆղանստանում:
Տեխնիկայի վաճառքի հաշվին նախատեսվում է կրճատել դրանց ԱՄՆ հետ տանելու ծախսերը կամ դրանք կոչնչացվեն տեղում: Ընդ որում՝ գնորդը պետք է անձամբ վճարի դրանք Աֆղանստանից դուրս բերելու դիմաց:
Ըստ ԱՄՆ պաշտպանության նախարարության տվյալների՝ մի քանի երկրներ շահագրգռված են զրահապատ մեքենաների հնարավոր գնմամբ. նախնական բանակցությունները կայացել են, սակայն վերջնական պայմանավորվածություն ձեռք չի բերվել:
Ներկայում ԱՄՆ-ն Աֆղանստանում ունի MRAP տեսակի 11 հազար զրահապատ տեխնիկա: Դրանցից միայն 8 հազարն է նախատեսվում տանել ԱՄՆ ու վերանորոգել:
