Ալադդինի զգեստով Մեծ Բրիտանիայի թագուհի Էլիզաբեթ Երկրորդի սև-սպիտակ լուսանկարները կվաճառվեն միջազգային աճուրդում: Դրանք արվել են 1941-1944 թթ.: Մինչ այժմ լայն հասարակությունն այդ լուսանկարների մասին ոչինչ չի իմացել:
Լուսանկարները Սիրիլա Վուդսի անձնական հավաքածուից են, ով մասնակցել է այդ թատերական ներկայացումներին, որոնցում հանդես են եկել Էլիզաբեթն ու նրա քույր Մարգարետը:
Լուսանկարներն արվել են ներկայացումների ժամանակ, որը բրիտանական թագավորական ընտանիքը Վինձորի պալատում բեմադրել է սեփական զվարճանքի համար՝ Երկրորդ համաշխարհային պատերազմի ընթացքում:
Առավել վաղ թվագրված լուսանկարը վերաբերում է 1941 թ. դեկտեմբերին: Դրանում 15-ամյա ապագա թագուհին հանդես է գալիս արքայազն Ֆլորիզելի դերում՝ «Մոխրոտիկը» պիեսում: Նկարում նա տղամարդու կոստյումով ու կեղծամով է:
1942-ին թագավորական ընտանիքը բեմադրել է «Քնած գեղեցկուհին», իսկ հաջորդ տարի՝ «Ալադդինը», որտեղ Էլիզաբեթը հանդես է եկել գլխավոր դերում:
