Անդրադառնալով Իրանի նախագահի և ՀՀ վարչապետի օրերս տեղի ունեցած հեռախոսազրույցին և Ն. Փաշինյանի այն հայտարարությանը, թե կառավարությունը մեծ էներգիայիով պատրաստ է զարկ տալու հայ-իրանական հարաբերությունների զարգացմանը՝ «Առաջին լրատվական»- ի հետ զրույցում իրանագետ Վարդան Ոսկանյանը նշեց, որ սա խոստումնալից սկիզբ է:
Կարևոր է, որ իրանական պաշտոնական աղբյուրները արձանագրել են հեռախոսազրույցի որոշ մանրամասներ. «Մեր կողմից ձևակերպումները ընդհանուր էին, իրանական կողմն ինչ-որ առումով բացել է փակագծերը: Իանական կողմի տրամադրած տեղեկատվության համաձայն՝ շեշտադրվել է մի կարևոր հանգամանք՝ Հայաստանը, ի դեմս վարչապետի, հայտարարել է, որ Հայաստանը երբեք չի մասնակցել և չի մասնակցելու որևէ հակաիրանական գործողության»:
Իրանագետի խոսքով՝ իրանցիները չափազանց շահագրգիռ են Հայաստանում շուտափույթ կայունության հաստատման հարցում, և Հայաստանի ներքաղաքական արագ և խաղաղ հանգուցալուծումը բարձրացրեց Հայաստանի վարկանիշը նաև Իրանի աչքում:
«Ռոհանին շեշտադրել է Հայաստանի դերակատարությունը ոչ միայն Իրան-Հայաստան երկկողմ հարաբերությունների համատեքստում, այլ նաև ԵԱՏՄ-ի հետ ստորագրվելիք պայամանագրի շրջանակներում»,- նկատեց Վ. Ոսկանյանը և հավելեց, որ Հայաստանը դառնում է դուռ դեպի ԵԱՏՄ: Նա նաև ընդգծեց, որ Իրանը ցանկություն ունի Հայաստանը տեսնել որպես տարանցիկ երկիր:
Մանրամասները՝ տեսանյութում:
