Երկու երկրների նախագահները պայմանավորվել են Եվրամիության և Իրանի «աշխատանքային խմբեր» ստեղծել։ Իրանի նախագահ Հասան Ռոհանին Ֆրանսիայի նախագահ Էմանուել Մակրոնի հետ հեռախոսազրույցի ժամանակ հայտարարել է, որ «ամեն ինչ անելու է, որպեսզի մնա Թեհրանի միջուկային ծրագրի համաձայնագրում»։ Այս մասին հաղորդում է Agence France-Presse (AFP)–ը։
Դրա հետ մեկտեղ, երկու երկրների նախագահները պայմանավորվել են «անհապաղ» ԵՄ և Իրանի «աշխատանքային խմբեր» ստեղծել՝ Իրանի հետ եվրոպական ընկերությունների աշխատանքը շարունակելու վերաբերյալ երաշխիքներ տրամադրելու հարցով։
Ավելի վաղ Ֆրանսիան հաղորդել էր այն մասին, որ Մակրոնը, Ռոհանիի հետ զրույցի ժամանակ հայտարարել է, որ Փարիզը մտադիր է շարունակել Թեհրանի հետ միջուկային համաձայնագրի պահպանումը։
