Լվովի քաղաքապետ Անդրեյ Սադովին զգուշացրել է զերծ մնալ Եվրամայդանը ուժով ցրելու փորձերից: Այդ մասին նա գրել է Facebook-ի իր էջում:
Նա գրել է, որ ինքը դեռ հաստատ տեղեկություններ չունի, թե Լվով են բերվում հավելյալ հատուկ ստորաբաժանումներ, սակայն զգուշացրել է զերծ մնալ Լվովում ծեծկռտուք սկսելու փորձերից:
«Եթե ինչ-որ մեկը մտադիր է Լվովում կրկնել նույնպիսի ծեծկռտուք, ապա նրա առաջ կկանգնեն ոչ միայն մի քանի հազար ուսանողները, ովքեր հիմա կան Եվրամայդանում, այլև ամբողջ քաղաքը»,- հավաստիացրել է Սադովին:
Նա նաև հավաստիացրել է, որ քաղաքը ամեն կերպ աջակցելու է այն քաղաքացիներին, ովքեր տուժել են Կիևի Եվրամայդանում տեղի ունեցած ծեծկռտուքի պատճառով:
Ինչպես հայտնի է՝ այսօր ՆԳՆ հատուկ ստորաբաժանումները դաժանաբար ցրել են Անկախության մայդանի խաղաղ բողոքի ակցիան:
