Դքսուհի Քեթրինն ու արքայազն Ուիլյամը, որոնք վերջերս ծնողներ են դարձել, շարունակում են խախտել թագավորական ավանդույթները. ամուսիններն ուզում են իրենց երեխային՝ Ջորջին, նորմալ ընտանեկան կյանք նվիրել, ուստի հրաժարվում են դայակների ծառայություններից, հայտնում է spletnik.ru-ն:
Արքայական ընտանիքին մոտ աղբյուրի խոսքով՝ զույգը ձգտում է ապրել սովորական կյանքով և ինքնուրույն մեծացնել երեխային: «Քեյթը չի ուզում, որ Ջորջն օտար մարդկանց ավելի շատ ընտելանա, քան իր ծնողներին: Տղան կյանքի նոր իմաստ է դարձել Քեթրինի համար»,- ասել է աղբյուրը:
Վերջինս նաև նշել է, որ հենց Քեյթը մայրացել է, նրա մոտ նոր կաննոներ են ի հայտ եկել. «Հիմա նա չի կարող չափազանց հեռու մեկնել Լոնդոնից, իսկ գիշերային ուղևորությունները հնարավոր չեն»:
Արքայական զույգն օրինակ է վերցնում իրենց ծանոթներից, որոնք հաջողությամբ համատեղում են աշխատանքն ու երեխաներին: «Նրանք նայում են իրենց ընկերներին, որոնք կարողացել են դաստիարակել երեխային և դրա հետ մեկտեղ կարիերա կերտել, և չեն հասկանում՝ ինչու իրենց մոտ չի կարող նույն կերպ ստացվել, ախր, տարբերույթունն այնքան էլ մեծ չէ»,- ասել է աղբյուրը:
