Հայտնիները հաճախ են իրենց մարմինը զարդարում դաջվածքներով։ Սակայն հաճախ դա ոչ թե գեղեցիկ, այլ հիմար և անճոռնի է երևում։ Համացանցում ընտրել են շոու բիզնեսի աստղերի ամենավատ դաջվածքների տասնյակը։
Առաջին տեղում ամերիկացի երգիչ Քրիս Բրաունի դաջվածքն է։ Նրա վզին պատկերված է Ռիհաննան, և երգչուհու այդ նկարը բոլորից ամենաանճոռնին է ճանաչվել։ Երկրորդ տեղում բրիտանացի երգչուհի Շերիլ Քոուլի դաջվածքն է։ Օգտատերերին վարդերի տեսքով նրա դաջվածքը՝ մեջքի ներքևի հատվածում և հետույքի վրա, դուր չի եկել առաջին հերթին մեծ չափսերի պատճառով։ Երրորդ տեղում Girls Aloud փոփ–խմբի մենակատար Սառա Հարդինգի դաջվածքն է։ «Դառնարյուն մի եղեք» գրությունը աստղին ծաղրելու առիթ է դարձել։
Վատագույն դաջվածքների շարքում են նաև բրիտանացի երգիչ Զեյն Մալիքի ձեռքի վրայի գրությունը, ամերիկացի սուպեր–մոդել Շանել Իմանի վզի վրայի հագուստի կախիչը և առյուծի գլուխը՝ դերասանուհի Քրիստինա Ռիչիի ուսի վրա։ Տասնյակում են հայտնվել նաև դերասաններ Սթիվ–Օի և Մայլի Սայրուսի, երգչուհի Լեդի Գագայի, բռնցքամարտիկ Մայք Թայսոնի և երգչուհի Թուլիսա Կոնտոստավլոսի դաջվածքները։
