46-ամյա Ռիկի Մարտինը հրապարակայնորեն հայտարարել է իր համասեռամոլ լինելու մասին 2010թ., իսկ վերջերս նա ամուսնացել է գեղանկարիչ Դժվան Յոզեֆի հետ. նրանք երկու երեխա ունեն, որոնք ծնվել են փոխնակ մայրերից:
Վերջերս Attitude ամսագրին տված հարցազրույցում Մարտինը ափսոսանք է հայտնել, որ երկար ժամանակ թաքցրել է իր սեռական կողմնորոշումը:
«Ես ծպտյալ համասեռամոլ էի և իմ զուգընկերներին նույնպես ստիպում էի թաքցնել իրենց սեռական կողմնորոշումը՝ իմ կարիերային չվնասելու համար»,- ասել է նա:
«Ես միշտ խուսափել եմ նոր հարաբերություններից, նկատի ունեմ ոչ թե ռոմանտիկ, այլ ցանկացած հարաբերություն, որովհետև չեմ ցանկացել, որ ինձ լավ ճանաչեն: Ես նույնիսկ չեմ կարողացել հանգիստ նստել և զրույց վարել հոյակապ մարդկանց՝ պրոդյուսերների և կինոռեժիսորների հետ, որովհետև վախեցել եմ, որ եթե նրանք ինձ հետ երկու ժամից ավելի զրուցեն, ապա ինձ խորությամբ կճանաչեն»,- ասել է երգիչը:
