31-ամյա Նատալի Քիրքվուդը Մեծ Բրիտանիայից ուշադրություն է դարձրել իր յոթամյա դստեր դպրոցական համազգեստից եկող տհաճ հոտին։ Կինը որոշել է քանդել կիսաշրջազգեստը, որպեսզի հասկանա հոտի պատճառը և սարփսափահար է եղել՝ կտորի շերտերի արանքում սատկած մուկ գտնելով։
Ինչպես հաղորդում է Mirror-ը՝ տհաճ անակնկալով կիսաշրջազգեստը կինը ձեռք է բերել 2017 թվականին՝ Asda ցանցային խանութներից մեկից։ Կինը արդեն դիմել է խանութ և պահանջել, որպեսզի իրեն բացատրեն, թե ինչպես է մուկը հայտնվել դպրոցական համազգեստի մեջ,բայց խանութի ներկայացուցիչները դեռ հագուստը չեն էլ վերցրել փորձաքննության։
«Նրանք ասացին, որպեսզի ես մուկն ու զգեստը տանեմ խանութ։ Բայց ես մերժեցի, քանի որ չեմ ուզում, որ իմ մեքենայից տհաճ հոտ գա։ Այդ ժամանակ նրանք խոստացան, որ մարդ կուղարկեն, բայց նա դեռևս չի եկել։ Մուկն ու շրջազգեստը պայուսակով դեռ դրված են իմ դռան առաջ»,– ասում է մայրը։
Այն բանից հետո միայն, երբ պատմությունը սկսել է արագ տարածվել համացանցում, խանութի ներկայացուցիչը խոստացել է հետաքննություն անցկացնել կատարվածի կապակցությամբ։
