Ուկրաինայի նախկին վարչապետ, «Բատկիվշչինա» կուսակցության առաջնորդ Յուլյա Տիմոշենկոն կկարողանար պետության ղեկավար Պյոտր Պորոշենկոյի նկատմամբ հաղթանակ տանել նախագահական ընտրությունների երկրորդ փուլում, եթե դրանք կայանային մոտ ժամանակներս: Այդ մասին վկայում են այն հարցման արդյունքները, որն անցկացրել Է «Ռեյտինգ» սոցիոլոգիական խումբը:
Ուկրաինայի նախագահի հերթական ընտրություններն անցկացվելու են 2019 թվականի գարնանը: Տիմոշենկոն եւ Պորոշենկոն երկար ժամանակ գլխավորում են նախագահական վարկանիշները:
«Նախագահական ընտրությունների երկրորդ փուլի մոդելավորումը Տիմոշենկո եւ Պորոշենկո զույգի դեպքում տվել Է հետեւյալ արդյունքները. «Բատկիվշչինայի» առաջնորդի օգտին պատրաստ Է քվեարկել նրանց 30 տոկոսը, ովքեր հայտարարել են, որ մասնակցելու են հիմնական ընտրություններին: Պետության ղեկավարին այս դեպքում պատրաստ Է պաշտպանել 23 տոկոսը»,-ասված Է սոցիոլոգիական խմբի կայքում հրապարակված հետազոտության մեջ:
Հարցման տվյալների համաձայն, առաջին փուլում նախագահական վարկանիշի առաջատարը Տիմոշենկոն Է, նրա օգտին կքվեարկեր հարցման մասնակիցների 18,7 տոկոսը: Գործող նախագահ Պորոշենկոյին պատրաստ Է պաշտպանել 15,6 տոկոսը: Նախագահական մրցարշավում երրորդ տեղը, հարցման համաձայն, զբաղեցրել Է «Ընդդիմադիր դաշինք» խմբակցության համանախագահ Յուրի Բոյկոն, նրան օգտին կքվեարկեր ուկրաինացիների 11,7 տոկոսը:
Հարցումն անցկացվել Է 2017 թվականի դեկտեմբերից 12-ից մինչեւ 28-ը, դրան մասնակցել Է 30 հազար մարդ: Վիճակագրական անճշտությունը կազմում Է 0,6 տոկոսից ոչ ավելի, հաղորդել Է ՌԻԱ Նովոստին:
