Իսրայելյան PowerUp Toys ստարտափ կազմակերպությունը սարքավորում է մշակել, որը ղեկավարում է ձեռքով պատրաստված թղթե ինքնաթիռները։ Առաջին անգամ նախագծողները որոշել էին զինել ինքնաթիռները փոքրիկ շարժիչով՝ 2013 թվականին։ Դրանք թռչում էին 16 կմ/ժ արագությամբ՝ 10 րոպե տևողությամբ և ղեկավարվում էին սմարթֆոնի հատուկ ծրագրով։
Նոր PowerUp Dart-ը ավելի հզոր շարժիչ ունի։
Ինքնաթիռներին ավելացել են տեսախցիկն ու ավտոպիլոտը, որը քամոտ եղանակի դեպքում կայունացնում է դիրքը։
Ղեկավարվող թղթե ինքնաթիռների պատվերները ստացվել են 80 երկրներից։ «Թղթե ինքնաթիռներն իրենց բնավորությունն ունեն. երբեմն նրանք հրաժարվում են անել այն, ինչ իրենցից պահանջում ես», – ասել է ստարտափի հիմնադիր Շաի Գոյտեյնը։
Շարժիչով թղթե ինքնաթիռները Amazon-ում արդեն վաճառվում են 50-100 դոլարով։
