Ամստերդամի «Դամ» գլխավոր հրապարակում 200 հազար կակաչ են բաժանել. Նիդերլանդներում նշել են կակաչների յոթերորդ ավանդական Ազգային օրը։ Կակաչներ արտադրողների ասոցիացիայի նախագահ Արյան Սմիթը հաղորդել է, որ տոնակատարությանը մասնակցում են հոլանդական կակաչ արտադրող բոլոր հինգ հարյուր կազմակերպությունները։ «Ամեն տարի մենք փորձում ենք ձեզ համար ֆանտաստիկ այգի սարքել, որտեղ դուք կարող եք ձեզ համար կակաչներ վերցնել»,– ասել է նա։ Տոնակատարության համար տասներեք թեկնածուների միջից ընտրվել էր «Կակաչային աղջիկը»։ Այս տարի դա Լիզա Սմիթն էր։ «Այս օրը կարևոր է մեզ համար, մենք գովազդում ենք մեր կակաչները, դա Նիդերլանդների համար շատ կարևոր է։ Ես կարծում եմ, որ մարդիկ այս ծաղիկները տեսնելով երջանիկ կլինեն, քանի որ նրանք նաև կտեսնեն, թե որքան գեղեցիկ են Նիդերլանդները»,– ասել է նա։
Բոլոր ցանկացողներին մուտքի մոտ պլաստիկ փաթեթներ էին բաժանում, որպեսզի նրանք կարողանան դրանց մեջ կակաչներ դնել, սակայն ոչ ավել, քան տասնհինգ հատ, և տուն տանել։
