«Մարդիկ իսկապես ունեն ռեալ ծրագրերի: Այստեղ և՛ մեր քաղաքական մտքի, և՛ գաղափարների սնանկություն ունենք: Սա գալիս է, իմ կարծիքով, վախից: Վախն ահավոր բան է, վախը մի հատկություն է, որը բնորոշ է բոլոր մարդկանց, բայց ամենակարևորը վախերը հաղթահարելն է: Ընդ որում՝ մենք վախենում ենք ոչ միայն իշխանությունից, կամ հզոր երկրներից, մենք սարսափելի վախենում ենք մեր ժողովրդից, մեծամասնությունից, թե ինչ կասեն, ինչ պիտակներ կկպցնեն, ինչպես կգնահատեն: Բայց մենք երբևիցե ազատություն չենք բերի ո՛չ մեր ժողովրդին, ո՛չ մեր քաղաքացիներին, եթե չհաղթահարենք մեր վախը»,-«Առաջին լրատվական»-ի հետ զրույցում ասել է Հովհաննես Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը:
Ռուբեն Բաբայանի խոսքով՝ ՀՀ քաղաքացի ընկալումը շատ ավելի կարևոր է, քանի որ այն ուղղված է երկիրը երկիր դարձնելու.«Մեզ այս երկիրը կառուցելու համար պետք են պատասխանատու, խիզախ և հստակ իրենց իրավունքները պաշտպանող մարդիկ»,-ասել է Ռուբեն Բաբայանը:
Հարցազրույցն ամբողջությամբ՝ տեսանյութում:
