ԱԺ «Ելք» խմբակցության պատգամավոր Արարատ Միրզոյանը տեղեկացրեց, որ շտապել է համալսարան՝ հացադուլ անող երիտասարդներին հորդորելու, որ դադարեցնեն պայքարի այդ ծայրահեղ միջոցին դիմելը: «Սակայն նրանք վստահեցրին, որ իրենք հաստատակամ են և շարունակելու են իրենց պայքարը»,- ասաց պատգամավորը՝ նշելով, որ ընդ որում, այդ 5 ուսանողներից 4-ը ծառայել են բանակում:
Պատգամավորի խոսքով՝ այս 5 ուսանողների հացադուլը և մյուսների դասադուլը կոնկրետ իրավիճակ են ստեղծել, որը հանգուցալուծում է պահանջում. «Եվ ես առաջարկում եմ Ազգային ժողովին այս օրենքի քննարկման համար մի փոքր «թայմ-աութ» վերցնել, որպեսզի կարողանանք հասկանալ՝ այս հարցը ոնց ենք լուծում, որովհետև չոր ձևով առաջ տանել և այս պահին ընդունել օրենքը, այս պահին ճիշտ չէ»:
Մանրամասները՝ տեսանյութում:
