Մաթեմատիկայի և մեխանիկայի ֆակուլտետի դեկան Արթուր Սահակյանն այսօր ԵՊՀ-ում կայացած գիտխորհրդի նիստի ժամանակ տարկետման իրավունքի վերացման նախագծին դեմ քվեարկած երկու դեկաններից մեկն է։ Նա մեզ հետ զրույցում ասաց, որ ընդհանուր առմամբ օրենքին կողմ է, հակափաստարկներն ընդունելի է համարում, բայց օրենքին հավանություն տալուն դեմ է քվեարկել, քանի որ դրա ընդունումը կարող է էական հարված հասցնել գիտությանը, հատկապես մաթեմատիկայի բնագավառին։ «Տարկետման իրավունքը, ըստ էության, հիմական գործոնը, խթան է դարձել, հանուն ինչի մեր երիտասարդները գնում են այսօր ասպիրանտուրա։ Առաջվա գործոնները որ կային՝ աշխատավարձը, հասարակության մեջ պատիվը, էնտուզիազմը, հիմա այս գործոնները չեն գործում։ Մնացել է բանակից խուսափելը՝ որպես էական խթան գիտությամբ զբաղվելու համար»,- ասաց Սահակյանը։
Նա մաթեմատիկայի մասով բերեց վերջին 10 տարվա վիճակագրություն, ըստ որի՝ այդ ժամանակ տարկետման իրավունքից օգտվել է 24 երիտասարդ, որոնցից 15-ն այսօր գիտությամբ են զբաղվում՝ բուն մաթեմատիկայով։
Առավել մանրամասն՝ տեսանյութում։
