Անդրանատոլիական խողովակաշարի (TANAP) արժեքը կազմում է 7.9 մլրդ դոլար, ասել է TANAP-ի գլխավոր տնօրեն Սալթուք Դուզյոլը, գրում են թուրքական ԶԼՄ-երը։
Նրա խոսքով՝ TANAP-ի շինարարությունն ավարտվել է 93 տոկոսով։
«Նախագծի արժեքը կազմում է 7.9 մլրդ դոլար։ Ընդհանուր առմամբ դրա շինարարության շրջանակում տնտեսվել է 3.8 մլրդ դոլար»,-ասել է Դուզյոլը։
Մինչ օրս շինարարության շրջանակում ստորագրվել են 3.65 մլրդ դոլարի վարկային համաձայնագրեր, նշել է նա։
2018 թվականի սկզբին կսկսվի թուրք-վրացական սահմանին TANAP գազատարի փորձարկման գործընթացը։
Գազատարը կանցնի վրաց-թուրքական սահմանից Թուրքիայի արևմտյան սահման։ TANAP-ն այլ գազատարի՝ Անդրադրիատիկ TAP-ի հետ հանդիսանում է «Հարավային գազային միջանցքի» մաս, որը նախատեսում է գազի փոխադրում ադրբեջանական «Շահ Դենիզ» հանքավայրից Եվրոպա։
TANAP-ի նախնական թողունակությունը, ինչպես սպասվում է, կկազմի տարեկան 16 մլրդ խորանարդ մետր։ 6 մլրդ խորանարդ մետրը կմատակարարվի Թուրքիա, մնացածը՝ Եվրոպա։ ТАР-ի շինարարության ավարտից հետո գազը Եվրոպա կմատակարարվի մոտավոապես 2020 թվականի սկզբին։
