Ադրբեջանի պաշտպանության նախարար Զաքիր Հասանովը Վրաստան կատարած այցի շրջանակներում հանդիպել է այդ երկրի զինված ուժերի Գլխավոր շտաբի պետ, գեներալ-մայոր Վլադիմիր Չաչիբայայի հետ։
Հայտնում է Haqqin.az-ը՝ վկայակոչելով Ադրբեջանի պաշտպանության նախարարության մամլո ծառայությունը։ Հանդիպման ժամանակ քննարկվել է ինչպես երկկողմ, այնպես էլ տարածաշրջանային ու միջազգային մակարդակներում Վրաստանի ու Ադրբեջանի միջև համագործակցությունը։
Կողմերը կարևորել են զինված ուժերի ղեկավար կազմերի, ինչպես նաև ռազմական փորձագետների փոխադարձ այցերի կազմակերպումն ու իրականացումը՝ ընդգծելով, որ դրանք օգտակար են ռազմական համագործակցության զարգացման համար։
