Հյուսիսային Կորեայի արտգործնախարար Լի Յոն Հոն, ելույթ ունենալով սեպտեմբերի 23-ին ՄԱԿ-ի Գլխավոր ասամբլեայում, ԱՄՆ նախագահ Դոնալդ Թրամփին անվանել էր հոգեկան հիվանդ՝ մեծության մոլուցքով, ում վտանգավոր է «միջուկային կոճակը» վստահելը։
«Անհեթեթ իրականությունը կայանում է նրանում, որ նման ինքնագոհ մարդը, ինչպիսին Թրամփն է՝ մեծության մոլուցքով հոգեկան հիվանդ, մարդ, ում նույնիսկ ամերիկացի ժողովուրդն է անվանում «Պատուհաս-գլխավոր հրամանատար», «Խաբեբա թագավոր», «Հրեշ նախագահ», զբաղեցնում է ԱՄՆ նախագահի աթոռը»,-հայտարարել է Հյուսիսային Կորեայի ԱԳ նախարարը։
Նա ընդգծել է, որ այսօր աշխարհում գլխավոր վտանգը կայանում է նրանում, որ նման մարդը հասանելիություն ունի «միջուկային կոճակին»։
«Իշխանության ղեկին գտնվելու իր 8 ամիսների ընթացքում նա Սպիտակ տունը վերածել է աղմկոտ տոնավաճառի, իսկ հիմա էլ ՄԱԿ-ի հարթակն է վերածել ավազակաբնի, որտեղ հարգում են փողը, իսկ արյունահեղությունը հանդիսանում է սովորական երևույթ»,-նշել է Լի Յոն Հոն՝ սպառնալով ԱՄՆ-ին հրթիռային հարված հասցնել՝ ի պատասխան իրենց առաջնորդ Կիմ Չեն Ինին հասցեագրված վիրավորանքների։
