Այսօր Եվրախորհրդարանը Բրյուսելում կայացած լիագումար նստաշրջանի շրջանակներում հաստատել է Եվրամիության և Հայաստանի միջև մուտքի այցագրի ռեժիմի դյուրացման համաձայնագիրը՝ հաղորդում է ITAR-TASS-ը:
«Մուտքի այցագրի դյուրացումը կօգնի նոր շունչ հաղորդել համագործակցությանը, մասնավորապես՝ կբարձրացնի քաղաքացիների տեղաշարժվելու հնարավորությունը»,- ասվում է փաստաթղթում:
Նոր կանոնները կարագացնեն այցագրի տրամադրման ընթացակարգը, որոշումը կկայացվի 10 օրվա ընթացքում, իսկ արտահերթ դեպքերում՝ 2-3: Հայաստանի քաղաքացիների համար այցագիրը կարժենա 35 եվրո (բնակչության որոշ շերտերի համար, մասնավորապես՝ պաշտոնական պատվիրակության անդամների մոտ հարազատներ, ուսանողներ, ուսուցիչներ, գործարարներ, գիտնականներ, կկրճատվի անհրաժեշտ փաստաթղթերի ցուցակը):
Միևնույն ժամանակ խորհրդարանականները հիշեցրել են, որ հունվարի 10-ին ուժի մեջ է մտել Հայաստանի կառավարության որոշումը՝ ԵՄ երկրների և Շենգենյան գոտու քաղաքացիների համար մուտքի այցագրի ռեժիմը վերացնելու մասին:
