Մադոննան մեծացել է կաթոլիկ ընտանիքում, սակայն վերջին 17 տարին 55-ամյա երգչուհին կաբբալա է դավանում՝ հուդայականության էզոթերիկ ուղղություն, գրում է spletnik.ru-ն: Սակայն երգչուհին խոստովանում է, որ հետաքրքրված է իսլամով և հիմա Ղուրան է կարդում: Իր հետաքրքրությունը երգչուհին այսպես է բացատրում. «Ես մահմեդական երկրներում դպրոցներ եմ կառուցում աղջիկների համար, ուսումնասիրում եմ Ղուրանը: Կարծում եմ՝ կարևոր է կարդալ բոլոր սուրբ գրքերը:
Լրագրողներն էլ ենթադրել են, որ Մադոննան մտադիր է իսլամ ընդունել. նրա ներկայիս սիրելին՝ 25-ամյա Բրահիմ Զայբաթը, այդ կրոնն է դավանում: Հատկապես, որ ըստ վերջին շշուկների՝ երգչուհին պատրաստվում է ամուսնանալ նրա հետ:
Հիմա Մադոննան կաբբալայի մոլի հետևորդ է: Ասում են՝ նա նույնիսկ հյութը, որը տալիս է երեխաներին, բացում է կաբբալայի ավանդույթներով սրբացված ջրով, հագնում է այն հագուստը, որը, ըստ նրա, կրոնի տեսանկյունից «դրական էներգիա է կրում»:
