Այս տարի ֆիզիոլոգիայի և բժշկության ոլորտում Նոբելյան մրցանակը շնորհվել է ԱՄՆ-ում աշխատող Ջեյմս Ռոթմանին, Ռենդի Շեքմանին և Թոմաս Զյուդոֆին հայտնագործության համար, որը վերաբերում է բջիջների ներսում և նրանց միջև վեզիկուլյար (բշտիկային) փոխադրման մեխանիզմներին: Այս մասին Ստոկհոլմում հայտարարել է Կարոլինյան բժշկական ինստիտուտին կից Նոբելյանական կոմիտեն՝ փոխանցում էRIA Novosti-ն:
Ռոթմանն ուսումնասիրել է, թե ինչպես են աշխատում սպիտակուցները, որոնք պատասխանատու են բջջի մեմբրանի հետ վեզիկուլի միաձուլման համար: Շեքմանը պարզել է, թե ինչպես են վեզիկուլները տեղաշարժվում բջջի ներսում: Զյոդոֆը հետազոտել է վեզիկուլյար փոխադրումը` «տրանսպորտը» նյարդային բջիջներում:
Մրցանակային գումարը կազմում է 1.2 մլն դոլար:
Մրցանակների հանձնման արարաղությունը տեղի կունենա դեկտեմբերի 10-ին Ստոկհոլմում՝ Ալֆրեդ Նոբելի մահվան օրը (1833-1896):
