ԱՄՆ-ում «Հարվի» փոթորկի պատճառով մոտ կես մլն ավտոմեքենա կվերածվի մետաղի ջարդոնի։ Դրանք ջրասույզ եղած ու վերանորոգման համար ոչ ենթակա մեքենաներն են։ Այս մասին հայտնում է CNBS-ը՝ հղում անելով Cox Automotive ընկերության փորձագետներին։
«Հարվին» ավելի շատ վնաս է հասցրել, քան «Սենդի» փոթորիկը, որն անցել էր Նյու Յորք ու Նյու Ջերսի նահանգներով 2012 թվականի հոկտեմբերին։ Այդ ժամանակ վնասվել էր մոտ 250 հազար ավտոմեքենա։
Փորձագետները կանխատեսում են, որ հեղեղման գոտու շատ մեքենաներ կվերականգնվեն ու կվաճառվեն երկրորդական շուկայում։ ԱՄՆ-ում դա անօրինական չէ, եթե գնորդը տեղեկացվում է մեքենայի պատմության մանրամասներին։
