Չինաստանի Ժողովրդական Հանրապետության ստեղծման 64-ամյակի առիթով տոնակատարությունների կենտրոն է դարձել մայրաքաղաքի Տյանանմեն հրապարակը: Սպասվում է, որ ազգային տոնի առթիվ այսօր հրապարակը կհյուրընկալի Պեկինի 250 հազար բնակչի ու զբոսաշրջիկի: Այս մասին հայտնում է ITAR-TASS-ը:
Շատ չինացիներ հրապարակ էին եկել մինչև արևածագը՝ մասնակցելու ազգային դրոշի բարձրացման արարողությանը: Հենց այնտեղ 1949 թվականին՝ արյունալի քաղաքացիական պատերազմից հետո, ներկայում հանգուցյալ կոմունիստ առաջնորդ Մաո Ցզեդունը հռչակեց հանրապետության ստեղծումը:
Այսօր վաղ առավոտյան նախագահ Սի Ցզինպինն ու այլ պաշտոնյաներ ծաղկեպսակներ են դրել ժողովրդական հերոսների հուշարձանին: Տոնի առնչությամբ Պեկինում սահմանվել են անվտանգության խիստ միջոցառումներ:
Երկրում հայտարարվել է հանգստյան օրերի «ոսկե շաբաթ», որը կշարունակվի մինչև հոկտեմբերի 7-ը:
