ԱԺ ՀՀԿ խմբակցության անդամ Սեյրան Սարոյանն Ազգային ժողովում այսօր լրագրողների հետ զրույցում անդրադարձավ սահմանային վերջին դեպքերին։ Նրա խոսքով՝ Ադրբեջանը, օգտագործելով TR-107 տիպի նոր տեխնիկա, ցանկացել է ցույց տալ՝ իբր ինքն ուժեղ է. «Ուզում էին ցույց տալ, որ թազա զենք ունեն, իրենք ուժեղ են, իրենք իրենց դուխ են տալիս»։
Խոսելով մահացած երեխայի դիակի լուսանկարների հրապարակման մասին՝ Սեյրան Սարոյանն ասաց. «Թուրքին հավատալ պետք չէ։ Ես մի բան գիտեմ ու միշտ ասել եմ՝ ով թուրքին հավատա, ուրեմն իրանից վատն ա: Թուրքը մնում ա թուրք, մեր բախտը չի բերել, որ մենք լավ հարևաններ չունենք»:
Սարոյանը կոչ արեց Ռուսաստանին չհամարել թշնամի այն բանի համար, որ նա համագործակցում է Թուրքիայի հետ։
«Հիմա ոնց որ ասես՝ իմ բաջանաղը լավ մարդ չի, մենք էլ լավ մարդ չենք»,- ասաց Սարոյանը։
Լուսանկարը՝ ArmLur.am-ի
