Կոտայքի մարզի Պռոշյան գյուղում իրավիճակը գնալով բարդանում Է: Օրերս «Ժողովուրդ»-ը գրել էր, որ գյուղի միակ մանկապարտեզի տնօրեն Մաքրուհի Ազարյանին գյուղապետ Արթուր Մուրադյանը հեռացրել է տնօրենի պաշտոնից և, իր խոսքով ասած, «իր կրուգի մարդ» նշանակել: Չնայած այս ամենին՝ գյուղապետը թերթի հետ զրույցում հայտարարել էր, թե մանկապարտեզի տնօրենն անձամբ է հրաժարականի դիմում ներկայացրել: Երեկ «Ժողովուրդ»-ին հայտնի է դարձել, որ մանկապարտեզի նորընտիր տնօրեն Սուսաննա Հովհաննիսյանի և աշխատակիցների միջև լուրջ քաշքշուկ է եղել: Պատճառը եղել է Ս. Հովհաննիսյանը, որը փորձել է հաշվապահի ձեռքից խլել երեխաների վճարման գրանցամատյանը, իսկ մանկապարտեզի տնտեսվարի ձեռքից էլ՝ պահեստի բանալիները:
Հոդվածն ամբողջությամբ՝ կարդացեք «Ժողովուրդ» օրաթերթի այսօրվա համարում:
